關心妍《SHINE 妍亮》福音慈善演唱會 2023


Jade 話今次並非去年個唱「Part 2」， 為演唱會重新製作：「今次係紅館 Part 2 嘅期，但我哋就選擇唔做 Part 2，會製作一個慈善嘅演唱會，因為我有一個妍亮生命慈善基金，第一次喺咁大嘅場地做籌款嘅演唱會，希望可以祝福香港嘅朋友。」Jade 笑言冇諗過會獲批檔期搞騷，製作過程比以往更有難度：「諗住兩三年後先會批到期做演唱會，點知入完表格冇幾耐就真係批咗，仲急過上年嘅騷！過年前啲人話我好瘦要食多啲嘢，一過完年知道要做騷又要 Keep 返同戒口。」


為呢次個唱，關心妍拒收歌酬之餘，更自發捐款希望達到目標：「其實我嘅慈善基金一向都係靠我啲歌酬同埋教唱歌去營運，今次仲要捐多啲出嚟，暫時目標係有一百萬嘅門票，免費邀請低收入同基層家庭、情緒病患康復者、中學生去睇騷，因為佢哋可能未嚟過紅館睇演唱會。」Jade 就話過去一直好多圈中人支持基金，計劃「碌卡」邀請到場做嘉賓：「圈中好多朋友都會嚟做嘉賓，但人名就賣個關子先，早排過年我都襯團年聚會同佢哋講呢件事，所以呢排同我食飯嘅，你就知我想搵你做嘉賓喇。」


雖然 Jade 曾舉行多次紅館個唱，但呢個騷是香港首個以流行福音歌曲做主題的演唱會，更獲相關團體支持，令她非常緊張：「因為我都想有突破、做啲新嘢，大家可能聽慣我啲悲情歌，但今次演唱會會唱啲開心、正向嘅歌曲。」


Eternity Music Ministry 永恆音樂事工 2 月 8 日喺佢哋 IG 分享咗「妍亮 Shine 關心妍福音慈善演唱會 異象分享會」嘅相，內文仲提到今年 4 月 20 日，Jade 關心妍會喺紅館舉辦《妍亮 Shine 關心妍福音慈善演唱會》！


各位粉絲記住密切留意！